प्राचार्यांचा संदेश

स्वर्गीय रतनचंद शहा व त्यांच्या सहकाऱ्यांनी 17 जुलै 1978 रोजी ग्रामीण भागातील विद्यार्थ्यांना उच्च शिक्षणाची सोय व्हावी म्हणून श्री विद्या विकास मंडळ संचलित, श्री संत दामाजी महाविद्यालय सुरू केले. महाविद्यालयात कला व वाणिज्य विभाग  आहेत. गेल्या चाळीस वर्षांच्या कालखंडात महाविद्यालयाने विविध शैक्षणिक टप्पे पूर्ण केले आहेत. यामध्ये महाविद्यालयातील  विद्यार्थी, माजी विद्यार्थी, मंगळवेढा तालुक्यातील शिक्षण प्रेमी, श्री विद्या विकास मंडळाचे पदाधिकारी, सभासद, प्राध्यापक व शिक्षकेतर कर्मचारी यांच्या सहकार्याने महाविद्यालयाने यशाचा आलेख उंचावत ठेवलेला आहे. महाविद्यालयाचे अनेक विद्यार्थी विद्यापीठाच्या गुणवत्ता यादीमध्ये आले आहेत. मराठी, अर्थशास्त्र, इंग्रजी विषयात सोलापूर विद्यापीठाचे गोल्ड मेडल मिळवलेले आहे. महाविद्यालयाचा क्रीडा विभाग कार्यक्षम असल्यामुळे महाविद्यालयातील अनेक विद्यार्थी राष्ट्रीय पातळीवरील विविध क्रीडा प्रकारांमध्ये सहभागी झाले आहेत. तसेच विद्यार्थ्यांना सामाजिक जाणीव व्हावी म्हणून राष्ट्रीय सेवा योजनेच्या माध्यमातून विविध उपक्रम सातत्याने हाती घेतले जातात. महाविद्यालयाच्या राष्ट्रीय सेवा योजनेच्या विभागाने आजपर्यंत रक्तदान शिबिर, आरोग्य शिबिर, व्याख्यानमाला, श्रमसंस्कार शिबिर, स्वच्छता, महिला आरोग्य तपासणी आणि जनजागृती इत्यादी संदर्भात उल्लेखनीय काम केलेले आहे. महाविद्यालयाच्या कनिष्ठ विभागामध्ये कला,

वाणिज्य आणि शास्त्र विभागाचा समावेश होतो. महाविद्यालयांमध्ये कनिष्ठ विभागातील शास्त्र विभागातून अनेक विद्यार्थी मेडिकल व इंजिनीअरिंगला प्रवेश मिळविलेला आहे. तसेच यशवंतराव चव्हाण महाराष्ट्र मुक्त विद्यापीठाचे केंद्र महाविद्यालयात सुरू असून त्यामध्ये जवळपास ९०० विद्यार्थी शिक्षण घेत आहेत. महाविद्यालयांमध्ये संशोधनाला प्रोत्साहन देण्यासाठी आजपर्यंत इतिहास, इंग्रजी आणि अर्थशास्त्र विषयाच्या परिषदांचे आयोजन करण्यात  आले आहे. विद्यार्थ्यांच्या सर्वांगीण विकासासाठी महाविद्यालयांमध्ये सोलापूर विद्यापीठाच्या कौशल्य विकास केंद्राचे स्पोकन इंग्लिश, अंगणवाडी बालवाडी सेविका कोर्सेस, tally कोर्स सुरू आहे. त्याचबरोबर महाविद्यालयांमध्ये इंग्लिश लँग्वेज लॅब, कॉम्प्युटर लॅब, inflibnet, वर्चुअल क्लासरूम, स्पर्धा परीक्षा मार्गदर्शन केंद्र, प्लेसमेंट  कॅम्प  इत्यादी आधुनिक सुविधा विद्यार्थ्यांना  उपलब्ध  करून देण्यात आले आहेत.