श्री.संत दामाजी महाविद्यालयाचे जिल्हास्तरीय जलतरण स्पर्धेत तिहेरी सूवर्ण पदक

जिल्हा क्रीडा परिषद व जिल्हा क्रीडा कार्यालय सोलापूर यांचे सयुंक्त विद्यमाने आयोजित करण्यात आलेल्या शालेय जिल्हास्तरीय जलतरण स्पर्धेत श्री. संत दामाजी महाविद्यालयातील कनिष्ठ विभागातील कुमारी मयुरी दिलीप उन्हाळे 11 वी वाणिज्य हिने 50 मी. बटरफ्लाय प्रथम , 50 व 100 मी. फ्री स्टाइल प्रथम , श्री.शहाजी शिध्देश्वर उन्हाळे 12 वी शास्त्र याने 100 मी बॅकस्ट्रोक प्रथम, 50 मी बॅकस्ट्रोक व्दितीय, 50 मी फ्री स्टायल तृतीय, श्री. सोमनाथ बाळासाहेब जगदाळे 11 वी वाणिज्य याने 50 मी बटरफ्लाय प्रथम क्रमांक मिळवला व पुढील पुणे विभागीय स्पर्धेसाठी त्यांची निवड झाली.
या यशा बद्दल श्री विद्या विकास मंडळाचे अध्यक्ष सर्व श्री. अजित शहा, उपाध्यक्ष बाबासाहेब पाटिल सचिव किसनराव गवळी, रमेश जोशी वकील , खजिंदार बाळासाहेब मर्दा , डॉ. मोहन कुलकर्णी , डॉ. अशोक सुरवसे , यादवराव आवळेकर , रतनचंद शहा बँकेचे चेअरमन राहूल शहा , महाविद्यालयचे प्राचार्य प्रोफेसर डॉ. एन. बी. पवार , कनिष्ठ विभागाचे उपप्राचार्य सदाशिव कोकरे , पर्यवेक्षक राजेंद्र गायकवाड , सर्व प्राध्यापक व शिक्षकेतर कर्मचारी यांनी अभिनंदन केले.
या यशस्वी खेळाडूला प्रा.शब्बीर शेख व शारीरिक शिक्षण संचालक डॉ. सतीश रायबान यांचे मार्गदर्शन लाभले

दामाजी महाविद्यालयात शिक्षक दिन संपन्न

श्री संत  दामाजी  महाविद्यालयात `गुरु ब्रह्मा, गुरुर्विष्णु गुरुर्देवो महेश्वरः।  गुरुः साक्षात परब्रह्म तस्मैः श्री गुरुवेः नमः।`या उक्तीप्रमाणे  आज ५ सप्टेंबर निमित्ताने शिक्षक दिनाच्या कार्यक्रमाचे  आयोजन मोठ्या आनंदाने महाविद्यालयातील विद्यार्थ्यांनी केले. या प्रसंगी महाविद्यालयातील विद्यार्थ्यांनी सर्व वरिष्ठ व कनिष्ठ विभागातील प्राध्यापकांचे गुलाब पुष्प देऊन गुरु विषयक असणारा आदर या प्रसंगी व्यक्त केला. शिक्षक दिनाच्या कार्यक्रमासाठी श्री विद्या विकास मंडळाचे उपाध्यक्ष मा.बाबासाहेब पाटील, सचिव, मा.किसन(मामा) गवळी, मा. रमेश जोशी(वकील साहेब) हे उपस्थित होते, त्याच बरोबर प्राचार्य डॉ.एन.बी.पवार, कोकरे  सर, गायकवाड सर, प्रा.एच.आर.नागटीळक, प्रा.एन.आर.जगताप, प्रा.कसबे डी.एस. व सर्व प्राध्यापक उपस्थित होते.  शिक्षक हा सामाजाचा निर्माण कर्ता आहे.  उत्कृष्ट नागरिक म्हणून परिवर्तन करण्याचे कार्य शिक्षकाला कारायचे असते. असा विचार मा.जोशी वकील यांनी व्यक्त केला. डॉ. सर्वपल्ली राधाकृष्णन यांचा जन्मदिवस हाच दिवस शिक्षक दिन म्हणून साजरा केला जातो. शिक्षकांच्या भूमिकेचं महत्त्व आणि भविष्यातील पिढ्यांच्या जागरुकतेसाठी हा दिवस साजरा केला जातो.   शिक्षक दिन हा केवळ भारतातच साजरा केला जातो असं नाही. जगभरात वेगवेगळ्या दिवशी का होईना पण हा दिवस साजरा करतात. युनेस्कोनं ५ ऑक्टोबर हा आंतराराष्ट्रीय शिक्षक दिन म्हणून जाहीर केलाय. पण, भारतात मात्र राधाकृष्ण यांच्या सन्मानार्थ ५ सप्टेंबर हा शिक्षक दिन म्हणून साजरा करण्याचा निर्णय घेण्यात आला. १९६२ साली ते राष्ट्रपतीपदावर विराजन झाले होते. तेव्हा काही शिष्य आणि प्रशंसकांनी त्यांना त्यांचा दिवस शिक्षक दिन म्हणून साजरा करण्याची परवानगी मागितली. ‘माझा जन्मदिवस शिक्षक दिनाच्या रुपात साजरा करणं माझ्यासाठी गौरवास्पद आहे’ असं त्यावेळी राधाकृष्ण यांनी सांगितलं. शिक्षकांनी केवळ पाठ्यपुस्तकं मुलांना पढवून संतुष्ट होऊ नये, तर त्यांनी विद्यार्थ्यांना स्नेह आणि आदरही दिला पाहिजे. फक्त शिक्षक असून सन्मान मिळत नाही, तर हा सन्मान प्राप्त करावा लागतो, असं त्यांचं म्हणणं होतं. या कार्यक्रमाचे आयोजन बी.कॉम  भाग दोन मधील विद्यार्थ्यांनी केले होते. कार्यक्रमाचे सूत्रसंचालन कु.पुजारी यांनी केले तर आभार कु.प्रणिती दत्तू हिने  केले.

जागो युवा (2018) वारसा प्रशिक्षण शिबीरात श्री.संत दामाजी महाविद्यालयाचा सहभाग

श्री .संत दामाजी महाविद्यालयातिल इतिहास विभागातील  विद्यार्थ्यांनी इटँक (Indian National Trust for Art and cultural Heritage)  व सोलापुर विद्यापीठ, सोलापुर यांच्या संयुक्त विद्यमाने वारसा कार्यकर्ता शिबीरात सहभाग नोंदवला,या प्रशिक्षण शिबीरात दामाजी महाविद्यालयातील विद्यार्थ्यांनी ग्रामीण भागातील पर्यटन या विषयावर आपले मत व्यक्त केलें .याप्रसंगी  दामाजी महाविद्यालयातील विद्यार्थी विजय पुजारी,अमोल ताड,आलिप सुतार,अनिल भोई, साबिया मुलाणी, मनिषा ढगे  ,सविता कस्तुरे, शिवानी मुढे, गौरी जपे, अनिषा लोकरे , संदीप माने, भारत बेडगे , राजश्री सोलनकर, मोनिका पाटील विद्यार्थ्यांनी सहभाग नोंदवला प्रशिक्षण प्रसंगी पर्यटनाला व ऐतिहासिक वारसेला उत्तेजन देण्यासाठी जनजागृती, सार्वजानिक चर्चासत्रे , शालेय उपक्रम इत्यादी सारखे उपाय योजना वरती व्याख्याने झाली.दामाजी महाविद्यालयातील विद्यार्थ्यांचे प्रझेंनटेशनसाठी विद्यार्थ्यांना पारितोषिकने सन्मानित करण्यात आले तसेच प्रा.डाॅ जावेद तांबोळी यांची संयोजन समिती निवड झाल्याबद्दल सत्कार करण्यात आला.

टाईम प्लीज माझ्यासाठी.

शिवराज पटेकरी ( बी.कॉम भाग I )

आवड आहे गं, तू माझ्या मनासाठी,

  पारख लाय  मी हीरा, तो  फक्त माझ्यासाठी,

पसंत आहे माझी तू, कोणी नाकारू शकत नाही,

बनलो आहोत आपण, फक्त एकमेकांसाठी.

आय लाईक सो मच, टाइम प्लीज माझ्यासाठी.

पाहून तुझी किमया, फेसबूक सर्च  गं, केलं

लाखात एक जणू तू, गुगल इंजिन बंद झालं

पहिल्या नजरेत पाहताच, प्रेम तुझ्यावर ग  केलं,

हिरा सापडून सुद्धा, हृदय माझं गहान राहिलं,

दिसायलाही दिसतेस तू रघुची मैना,

 बघ जरा राघूकडे, काय झालीया दैना,

जीव व्याकुळ झाला ग सखे, तो फक्त तुझ्यासाठी,

आय लाईक सो मच, टाइम प्लीज माझ्यासाठी.

येत नाहीस तू, पाखरू पाहते गं वाट,

रोज मोजतोय मी, दिवस झालेत गं आठ,

आठवण येते तुझी, मी जेव्हा वर्गात ग जातो.

दिसशील म्हणून, रोज शोधूनी पाहतो,

आज पण आली नाही बघती, मन माझं  सांगत

वर्गात असतो मी,  पण मन तुझ्या आठवणीत  रमतं,

एक विचारू?  सांग मला, तडफड माझी कशासाठी,

आय लाईक सो मच, टाइम प्लीज माझ्यासाठी.

असशील ग तू ,  जगाला ग ताप

कितीही मार मनाला, तुझ्या सात खूप  माफ

जेव्हाही येथेस  तू, नजर तुझी हटके,

दिल मर जायेगा मेरा, जरा होश संभालके,

आवाज ऐकून तुझा मिळते गं,  मुक्ती,

दिवाना आहे तुझा, दिल दे माझ्यासाठी,

न येऊन तू रोज रोज मारते,

एक सांग तरी, माझ्यावाचून कसे ग करमते,

प्रेम करतो तुझ्यावर, दुनिया तुझ्या माझ्यासाठी,

आय लाईक सो मच, टाइम प्लीज माझ्यासाठी,

टाइम प्लीज माझ्यासाठी……

शिवराज पटेकरी ( बी.कॉम भाग I )

श्री संत दामाजी महाविद्यालयात आमदार प्रशांत परिचारक यांच्या वाढदिवसानिमित्त वृक्षारोपण करण्यात आले

‘गोविंदा आला रे’ च्या घोषणांनी महाविद्यालय परिसर दुमदुमला

श्री विद्या विकास मंडळ संचलित श्री संत दामाजी महाविद्यालयांमध्ये श्रीकृष्ण जन्माष्टमीच्या निमित्ताने दहीहंडी कार्यक्रमाचे आयोजन करण्यात आले होते. दहीहंडीचा कार्यक्रम मोठ्या उत्साहात महाविद्यालयातील कनिष्ठ व वरिष्ठ विभागातील विद्यार्थ्यांनी साजरा केला.  श्री कृष्णाच्या मुर्तीचे पुजन रतनचंद शहा बॅंकेचे चेअरमन राहुल शहा यांच्या हस्ते करण्यात आले. महाविद्यालयाचे प्राचार्य डॉ. एन.बी पवार, उपप्राचार्य कोकरे सर, गायकवाड सर आणि कनिष्ठ व वरिष्ठ विभागातील प्राध्यापक या प्रसंगी उपस्थित होते.
या दहिहंडी उत्सवाला महाविद्यालयातील सर्वच विद्यार्था कडून उत्स्फूर्त प्रतिसाद मिळाला.जशी जशी दहिहंडी कार्यक्रम रंगात येईल तस तसा महाविद्यालयातील विद्यार्थ्यांची सहभाग होणेचे वाढले‌.
दहीहंडी श्रीकृष्ण जन्माष्टमीच्या दुसऱ्या दिवशी साजरा केला जाणारा सण आहे. जन्माष्टमीचा सण श्रीकृष्णाच्या जन्माचे प्रतीक म्हणून साजरा करण्यात येतो. या उत्सवादरम्यान उंचावर दह्याने भरलेली हंडी( छोट्या आकाराचे मडके) लावले जाते. ही हंडी तरुणांची मंडळे फोडण्याचा प्रयत्न करतात. श्रीकृष्णाला बालपणी दही, दूध, लोणी या पदार्थांची आवड होती. कृष्णापासून दह्याचे रक्षण व्हावे यासाठी यशोदा दह्याची हंडी उंच ठिकाणी किंवा शिक्यावर ठेवत असे पण श्रीकृष्ण तिथपर्यंत पोहचण्यात यशस्वी होत असे. यासाठी त्याचे, मित्र त्याला मदत करत असत. या घटनेची आठवण म्हणून सर्वत्र दहीहंडीचा उत्सव साजरा केला जातो. हा कार्यक्रम यशस्वी करण्यासाठी विद्यापीठ प्रतिनिधी राहुल हेंबाडे, वर्ग प्रतिनिधी समाधान करे,वर्ग प्रतिनिधी समीर पटेल, अविनाश मेटकरी,संजिव पाटिल,धीरज इंगळे,चेतन केंगार,सुजीत मोरे, आशिष आडेकर,कमलेश नागणे, विशाल मुढे, बालाजी इंगळे, सचिन स्वामी, कृष्णा भोसले सौरभ गायकवाड, सिद्धनाथ पोतदार,बिरुदेव चोपडे विश्वनाथ गायकवाड,अक्षय सुपाते,प्रविण गंवड, धनाजी धनवे,वैभव नकाते,अक्षय इंगळे,रामाणा पुजारी राहुल पटेकरी, अभिमन्यू आठवले, सुजित गायकवाड,विजय देवकते आल्फेस घुले प्रशांत जंगमशेट्टी, आदींनी मोलाचे सहकार्य केले.

पुरातन वस्तू व वास्तू संवर्धनातून पर्यटनाचा विकास शक्य : डॉ. माया पाटील

पुरातन वस्तू व वास्तू संवर्धनातून पर्यटनाचा विकास शक्य : डॉ. माया पाटील
इतिहास हा भावनेपेक्षा बुध्दी व पुराव्यावर चालणारा विषय आहे. या पुराव्यांचा अभ्यास म्हणजे पुरातत्त्वशास्त्राचा अभ्यास होय. पुरातत्त्वशास्त्राचा अभ्यास हा बंंद खोलीत करायचा नसून, तो प्रत्यक्ष साईट निवडून उत्खनन करून करायचा असतो. पुरातत्वशास्त्रातून मानवी संस्कृतीचा, उत्क्रांतीचा, सामाजिक, सांस्कृतिक, राजकीय, ऐतिहासिक, धार्मिक, दस्तऐवज शोधला जातो. म्हणून ऐतिहासिक वस्तू आणि वास्तूंचे संवर्धन करून त्यातून पर्यटनाचा विकास करता येतो असे प्रतिपादन सोलापूर विद्यापीठातील पुरातत्त्वशास्त्र विभाग प्रमुख डॉ. माया पाटील यांनी केली. त्या श्री संत दामाजी महाविद्यालयामध्ये इतिहास विभागाने आयोजित केलेल्या पुरातत्त्वशास्त्र आणि पर्यटन याविषयावर त्या बोलत होत्या. या कार्यक्रमाचे अध्यक्ष प्राचार्य डॉ. एन. बी. पवार होते.
डॉ. पाटील पुढे म्हणाले की, आपण  आपल्याकडे सापडणार्‍या मुर्ती, शिलालेख इतर वस्तूंकडे डोळसपणे पाहिले पाहिजे. यातून पर्यटनाच्या विकासातून विविध प्रकारची रोजगार निर्मिती होते. ऐतिहासिक वस्तूंची व वास्तूंचा संवर्धन करण्याची सामाजिक बांधिलकी प्रत्येकाने उचलली पाहिजे. तरच पर्यटन विकास होऊ शकतो. यावेळी संस्था समन्वयक राहुल शहा म्हणाले की, मंगळवेढ्यात सुध्दा धार्मिक व ऐतिहासिक पर्यटनाला आणि त्यातून हॉटेलिंग व इतर रोजगार निर्मितीला खूप वाव आहे. अध्यक्ष स्थानावरून बोलताना प्राचार्य डॉ. एन. बी. पवार म्हणाले की, दामाजी कॉलेज सोलापूर विद्यापीठाच्या सहकार्याने पुरातत्त्वशास्त्राचा अभ्यासक्रम सुरू करण्याचा विचारात असून ज्ञानाचा वापर व्यवहारामध्ये केल्याने रोजगार निर्मिती होऊ शकते. या कार्यक्रमाचे प्रास्ताविक इतिहास विभाग प्रमुख डॉ. अशोक माने यांनी केले. सुत्रसंचालन भारत मुढे, प्रमुख पाहुण्यांची ओळख अनुपमा पाटील तर आभार सुप्रिया पाटील यांनी केले. यावेळी संस्था सचिव अ‍ॅड रमेश जोशी, किसन गवळी सोलापूर विद्यापीठातील पुरातत्वशास्त्र विभागातील व श्री संत दामाजी महाविद्यालयातील विद्यार्थी व विद्यार्थिंनी उपस्थित होते. हा कार्यक्रम यशस्वी करण्यासाठी डॉ. जावेद तांबोळी, प्रा. अमर माने, प्रा. रोहिनी शिंदे, प्रा. महेश घाडगे यादींने परिश्रम घेतले. यावेळी डॉ. माया पाटील यांनी दामाजी महाविद्यालयाने जतन करून ठेवलेल्या ऐतिहासिक वस्तूंची पाहणी केली.