श्री संत दामाजी महाविद्यालयातील विद्यार्थ्याकडून वृद्धाश्रमास १०० किलो ज्वारी दान*
मंगळवेढा- येथील श्री विद्या विकास मंडळ संचलित श्री संत दामाजी महाविद्यालयातील इयत्ता ११ वी कला शाखेत शिकणाऱ्या विद्यार्थ्याकडून पुत्रदा एकादशीचे औचित्य साधून गोपाळपूर येथील मातोश्री वृद्धाश्रमास १०० किलो ज्वारीचे दान करण्यात आले प्रारंभी श्री विठ्ठलाच्या मुर्तीचे पुजन वृध्द माता पित्यांच्या हस्ते करण्यात आले इयत्ता ११ वीच्या मराठी पाठयपुस्तकातील मंगेश तेंडूलकर यांच्या प्रिय बाबा या व्यक्तीचित्रणात्मक पाठाखालील असणाऱ्या उपक्रमासाठी तसेच विदयार्थ्यांमध्ये शालेय जीवनातच सामाजिक जाणीव निर्माण व्हावी व आई वडीलांचा सांभाळ हा विचार मनामध्ये रूजावा याकरिता प्रा विनायक कलुबर्मे व प्रा धनाजी गवळी यांनी मातोश्री वृध्दाश्रम भेटीचे आयोजन केलेले होते यावेळी मुलाबाळाशिवाय वृध्दाश्रमात आपले उर्वरीत आयुष्य जगत असणाऱ्या श्रीकांत देशपांडे व सुनंदा छत्रे या जेष्ठांनी आमच्यावर वृध्दाश्रमात येण्याची वेळ का आली याबद्दल आपले अनुभव विदयार्थ्यांना सांगितले तसेच विद्यार्थ्यांनी केलेल्या धान्याचा घास खरोखरचं गोड लागेल असे सांगून मुले आमच्यापर्यंत आल्यामुळे आम्हाला खूप आनंद झाला आहे अशा भावना त्यांनी व्यक्त केल्या खरं तरं आज पैशाच्या श्रीमंतीपेक्षा आई वडीलांची श्रीमंती महत्वाची आहे यासाठी निराधार वयोवृध्दांना आधार देण्याची काळाची गरज आहे हे ओळखून दामाजी महाविद्यालयातील विदयार्थ्यांनी आपला एक घास वृध्दांसाठी यामधून ज्वारीचे दान करून अनोखी वारी घडविलेली आहे याप्रसंगी प्रा विनायक कलुबर्मे व प्रा धनाजी गवळी यांनी आपल्या मनोगतातून आई वडील जवळ असण्याचे महत्व व संस्काराची गरज याचे महत्व पटवून दिले या उपक्रमावेळी मुलांनी अगदी जवळ बसून प्रत्येक जेष्ठांशी संवाद साधला यावेळी सर्व वृध्दांनी मुलांना भरपूर शिका,आई वडीलांचा सांभाळ करा,चांगला माणूस बना अशाप्रकारचा आशिर्वाद दिला वृद्धाश्रमाचे व्यवस्थापक राक्षे सरांनी श्री संत दामाजी महाविद्यालयाच्या सहकार्याबद्दल आभार मानले यावेळी सर्व मुला मुलींनी आम्ही जीवंत असेपर्यंत आई- वडील व सासू-सासऱ्यांची चांगली सेवा व पालनपोषन करण्याची शपथ देऊन उपक्रमाचा समारोप करण्यात आला पाठयपुस्तकात असणाऱ्या आगळ्या वेगळ्या स्तुत्य उपक्रमाचे आयोजन प्रा विनायक कलुबर्मे व प्रा धनाजी गवळी यांनी केल्याबद्दल व रेणुका कणासे,अफरीन शेख,करिना कांबळे,शुभांगी पाटील,रोहिणी दवले,सोनाली दवले,विशाखा दवले,काजल वाघमारे,सोनाली अवघडे,आरती अवघडे,प्रज्ञा काळूंगे,संध्या होवाळ,शितल शिंदे,स्वप्निल इंगळे,अमीर पटेल,स्वप्निल भिंगे,अरविंद शिवशरण,सचिन गायकवाड,अनिल रेवे,परमेश्वर खराडे,प्रमोद माळी,संजय सावंत,ऋतुराज लोखंडे,रोहित मेटकरी,रोहित ढावरे,रितेश कौंडूभैरी,सिध्दाराम कपले,किरण वाघमारे,अक्षय बळछत्रे,प्रविण कांबळे आदी विदयार्थांनी या उपक्रमात सहभाग नोंदवून सामाजिक बांधिलकी जपल्याबद्दल संस्थेचे समन्वयक राहूल शहा,सर्व पदाधिकारी,प्राचार्य डॉ एन बी पवार,उपप्राचार्य प्रा सदाशिव कोकरे,पर्यवेक्षक प्रा राजेंद्र गायकवाड यांचेसह सर्व प्राध्यापकांनी त्यांचे अभिनंदन केले आहे
श्री संत दामाजी महाविद्यालयातील इयत्ता ११ वी कला या वर्गातील विद्यार्थ्यांकडून एकादशीचे औचित्य साधून गोपाळपूर येथील मातोश्री वृद्धाश्रमास भेट देऊन १०० किलो (१ पोते ) ज्वारी दान करण्यात आली
